Untat biyahe sang transport group ICLAJODA sa Hunyo 4, indi na madayon
Iloilo City — Indi na madayon ang transport strike sa Lunes.
Suno kay Iloilo City Loop Alliance of Jeepney Owners and Drivers Association (ICLAJODA) President Raymundo “Boyet” Parcon, naghiwat sila sang monthly meeting kag majority sa ila ang indi mag upod. Kalabanan sa ila ang may mga estudyante man sa pagbukas sang klase.
Naga ayo lang ang transport groups sa City Government nga hawanan ang dalanon sang mga obstructions kag ang mga naga illegal parking agud indi pa gid magpadugang sa traffic kasunod sa madamo nga mga road projects.
Gin identify man ang Baluarte, Molo, Yulo Drive, Luna Lapaz kag Jalandoni nga mga dalanon nga mangin ma traffic bangud sa ongoing road projects. (JoMaque)