Asawa, pilason sang aksidente nga naglupok ang pusil sang iya bana nga naipit sa ila ginahigdaan nga foam

Iloilo City–Pilason ang asawa sang aksidente nga naglupok ang pusil sang iya bana nga naipit sa ila ginahigdaan nga foam sa Lapaz kaina sang kaagahon.

Gindala sa WVSU Medical Center si Tata Calderon, 28 anyos sang Brgy. Lopez Jaena Norte, Lapaz matapos napilasan sa tiyan.

Suno kay PO2 Antonio Santiañez Jr, imbestigador sang Lapaz Police Station, ginhagad sang asawa ang iya bana nga magpamahaw sang  nahulog ang pusil kag disgrasya nga naglupok.

Gina-imbestigaran sang Lapaz police kon accidental firing ang natabu. (AGB)