PSTMO, ginapreparahan ang pagbukas sang klase sang pribado nga mga eskwelahan kag kolehiyo
Iloilo City — Ginapreparahan sang Public Safety and Transportation Management Office ang pagbukas sang klase sa pribado nga mga eskwelahan kag kolehiyo.
Suno kay PSTMO Head Jeck Conlu, i-assess nila ang sitwasyon sang trapiko kada adlaw halin sa pagbukas sang klase sa pampubliko nga elementarya kag high schools kahapon.
Ginpahayag sini nga gamiton nila ang mga epektibu nga mga estratehiya kon matapos ang assessment agud malikawan ang pagpugok sang trapiko kon magbulayada naman ang pagsulod sa syudad sang mas madamo nga mga pasahero kag salakyan.
Gin-ako naman ni Conlu nga isa sa pinakadaku nga panghangkat sa PSTMO kon paano malikawan ang pagpugok sang mga salakyan sa General Luna Street, City Proper.
Nagalaum si Conlu nga may makita sila nga bag-o nga mga tikang agud masolusyunan ang problema. (JoMaque)