DEPED 6, nagpasalig nga handa na ang mga eskuwelahan sa pagbaton sang mga estudyante subong nga adlaw para sa SY 2018-2019
Iloilo City — Handa na ang mga pampubliko kag pribado nga eskuwelahan sa pagdugok sang mga estudyante sa pagbukas sang klase subong nga adlaw.
Suno kay Dr. Nordy Siasion Jr, Assistant Schools Division Superintendent, wala pa siya sang gina-uyatan nga data angut sa numero sang mga estudyante para sa school year 2018-2019 bangud nagapadayon pa ang validation.
Apang ginapanan-aw sini nga magataas ang numero sang mga estudyante subong nga school year bangud sang senior high schools.
Gin-engganyo naman ni siason ang mga estudyante ilabe na ang mga old students nga magsoksok sang complete uniform sa pagsulod sa klase ilabe na sa pagtambong sa flag ceremony.
Nagpahanumdom man ini sa mga estudyante nga wala na sang may matabu nga tinlu-anay sa una nga adlaw sang klase. (JoMaque)