Mga rugby boys sa Laguda, Lapaz, ginareklamo nga nagapang-snatch kag nagapanglimos

Iloilo City–Ginreklamo nga nagapang-snatch kag nagapanglimos ang mga ‘rugby boys’ sa Brgy. Laguda, Lapaz.

Suno sa informant sang Aksyon Radyo, nagapanghaboy man sang bato kag nagapangkuris sang mga nagalabay nga salakyan ang mga rugby boys ilabe na kon bangag. Suno pa sa iya, wala man ginasaway sang mga barangay officials ang mga rugby boys.

Suno naman kay Laguda Barangay Kagawad Julius Sables, ginasaway man nila ang mga rugby boys apang nagabalik man gihapon.

Madasig man magdalagan ang mga ini kon may makita nga patrol sang police. Luyag ni Sables nga may i-deploy nga police sa lugar agud indi na pagpa-amulyahan sang mga rugby boys. (AGB)