6 ka tuig nga bata nga lalaki, nalumos patay sang mahulog sa gina-obra nga drainage sa Dumangas

Dumangas, Iloilo — Nalumos patay ang anum ka tuig nga bata nga lalaki matapos nahulog sa gina-obra nga drainage sa Barangay Capaliz, Dumangas.

Suno kay Chief Inspector Rene Obregon, hepe sang Dumangas Police Station, ginkilala ang napatay kay alyas Jay sang amo man nga lugar. Nahulog ang bata sa drainage nga ginabanta lima ka tapak ang kadalumon samtang nagahampang.

Gindala pa sa ospital ang bata apang wala na natabangan. (JoMaque)