Mga empleyado sang LTO 6, gindumilian sa paggamit sang cellphone sa tion sang trabaho
LTO 6 Office, Iloilo City – Nag-isyu sang memorandum order si Land Transportation Office 6 Director Rolando Ramos nga nagadumili sa mga empleyado sa pagamit sang cellphone samtang nagatrabaho.
Kasunod ini sang obserbasyon ni Ramos nga madamo nga empleyado ang nagagamit sang cellphone bisan office hours.
Tuyo man sang mandu suno kay Ramos nga malikawan sang mga empleyado nga maga-communicate sa fixer kag mauntat na ang illegal nga buluhaton.
Ang empleyado nga madakpan sa first offense, paga-isyuhan sang warning kag sa ikaduha nga tiun, mahimo na nga suspendiron sa trabaho. (JoMaque)