Nursing student sa West Visayas State University, ginkalipay nga nalab-ut ang handum nga makasulod sa top 10 sang Nursing Licensure Examination

Iloilo City–Natuman ang madugay na nga handum ni Pjeeco Plaza Bagasbas, nursing student sang West Visayas State University nga makasulod sa top 10 sang Nursing Licensure Examination matapos ini nagpang-apat sa pasinawan subong nga bulan.

Suno kay Bagasbas nga tumandok sang Bislig City, Surigao del Sur, handum na niya nga mag-top 10 sang nagsulod siya sa kolehiyo gani nga nagtuon siya sang maayo. Ginpanugyan sini sa mga estudyante nga first year pa lang sa kolehiyo nga magtuon gid sang maayo, magpamati sa mga maestra kag magpangamuyo.

Daku naman ang pasalamat sini sa iya mga college professors nga naghatag sang inspirasyon, encouragement kag motivation agud malab-ot ang iya handum. (AGB)