Call center agent, ginhold-up kag ginbuno samtang nagalakat sa karsada
Sambag, Jaro– Ginhold-up kag ginbuno ang call center agent samtang nagalakat sa karsada kaina sang kaagahon.
Papuli na si Sofia Camille Gabo, 24-anyos sang Guihulngan, Negros Oriental sang ginbanggaan sang riding-in-tandem kag gulpi lang ginbuno sa wala nga guya kag ilong.
Pagkatapos ginbuno, ginkuha sang mga suspek ang wallet, ATM kag cellphone sa bulsa sang biktima.
Gindala ang biktima sa West Visayas State University Medical Center.
Biernes sang kaagahon, Hunyo 22, ginhold-up man sang riding-in-tandem ang call center agent sa Diversion Road, Mandurriao sa diin nataban sang mga ini ang P18,000 nga cash sang biktima. (JoMaque)