December 7, 2021

Tanza Esperanza, City Proper Punong Barangay Noel ‘Nene’ Odicta kag apat pa, ginserbihan sang search warrant; bayaw ni Odicta nga si Andrew Altas nga isa sa mga subjects, patay sang ginpahayag nagbato sa pulis

Read Time:1 Minute, 8 Second

Iloilo City–Isa ang napatay sang nagserbe sang search warrants ang joint operatives kay Tanza Esperanza, City Proper Punong Barangay Noel ‘Nene’ Odicta kag apat ka iban pa kaina sang kaagahon.

Confirmado nga napatay ang isa sa mga subjects nga si Andrew Altas, bayaw sang punong barangay. Suno kay Iloilo Police Provincial Office (IPPO) Director PSSUPT Marlon Tayaba, nagsulod ang mga katapo sang Regional Mobile Group sa balay ni Altas agud magserbe sang search warrant apang nagpalupok ini.

Naigo suno kay Tayaba si PO1 Ricky Sitier pero nagtupa sa iya ginasuksok nga bullet proof vest ang bala. Nakabalos ang kaupod sini nga pulis tiro kag naigo sa ulo si Altas nga napatay samtang ginabulong sa Iloilo Doctor’s Hospital.

Magluwas kanday PB Odicta kag Altas, ginserbihan man sang search warrant sanday Jerry Odicta, Abraham Orada kag Barangay Kagawad Samuel Rubinas.

Suno kay PSUPT. Jonathan Pablito, hepe sang Police Station 1, na-recover sa joint operation sang mga otoridad sa balay ni PB Odicta ang granada kag .45 caliber pistol; .45 caliber pistol nga may papeles kag .38 caliber revolver nga wala sang lisensiya ang nakuha sa balay ni Orada; .38 caliber revolver nga wala sang lisensiya abg narecover sa balay ni Jerry Odicta kag hand grenade, rifle grenade kag assorted nga mga bala ang nakuha sa balay ni Altas. Wala sang recoveries sa balay ni Kagawad Rubinas. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post San Joaquin police, wala pa sang identity sang mga suspek nga nagtiro patay kay PB Remia Prevendido-Gregori sang Bakhaw, Mandurriao
Next post Bakhaw, Mandurriao PB Remia Prevendido-Gregori, napatay bangud sang lima ka igo sa lawas base sa autopsy