November 28, 2021

Pulis nga gintiro sang riding-in-tandem sa Arevalo – PO1 Dorben Acap Jr, may ibuyagyag nga mga impormasyon suno sa ICPO

Read Time:1 Minute, 29 Second

Iloilo City — Balantayan ang ibuyagyag nga impormasyon ni PO1 Dorben Acap Jr nga gintiro sang riding-in-tandem sa Dulonan, Arevalo sang Martes.

Suno kay Iloilo City Police Office Spokesperson Shella Mae Sangrines, nagapa-ayo lang si Acap nga may pilas sa wala nga abaga kag dughan.  Nagapati si Sangrines nga daku ang mabulig sang ipaguwa nga impormasyon ni Acap agud ma-identify ang mga suspek. Wala pa man sang gintumod nga suspek si Acap suno kay Sangrines bisan nga makaduluda ang sirkumstansya sa pagkasamad ni PO2 Melvin Mocorro nga gindala sa ospital pila ka minutos lang matapos gintiro si Acap. Ginpahayag natiruhan si Mocorro sa Pakiad, Oton apang nanginwala ang Oton police nga may shooting incident sa amo nga area sang Martes sang hapon.

Gin-athag ni Sangrines nga luyag nila ang quality nga imbestigasyon gani ginatipon ang tanan nga ebidensya pareho sang CCTV footages, kuha sang dash cam, mga bala kag iban pa nga recoveries sa crime scene agud mangin mabakud kag indi makaluwas ang mga suspek.

‘Wala pa Task Group’

Wala pa sang task group nga gintukod ang Police Regional Office 6 agud imbestigaran ang pagtiro kay PO1 Dorben Acap Jr sa Dulonan, Arevalo kag kon may kahilabtanan ang pilason nga si PO2 Melvin Mocorro sa natabu.  Ginabulong sa The Medical City si Acap nga may pilas sa wala nga butkon kag dughan.

Ginsaylo naman sa Iloilo Mission Hospital halin sa Western Visayas Medical Center si Mocorro nga may pilas sa tuo nga parte sang dughan kag tiil.  Suno kay Police Regional Office 6 Spokesperson Joem Malong, ginabilin na sa Iloilo City Police Office ang imbestigasyon sa natabu.

Gintiro si Acap samtang nagamaneho sang iya salakyan. Pila ka minutos matapos ini natiruhan, gindala man sa ospital si Mocorro nga ginpahayag natiruhan sa Pakiad, Oton. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

0 thoughts on “Pulis nga gintiro sang riding-in-tandem sa Arevalo – PO1 Dorben Acap Jr, may ibuyagyag nga mga impormasyon suno sa ICPO

  1. Isa sa mga protectors ni Boboy. amo na gani nga nagalupok si Boboy sang una sa balay niya tungod pader ang mga protectors niya. Passive Protection ang gina hatag sina kay Boboy pero kon mapatay mo patyon ka man sina nila. Hamak mo na gabaligya sa droga ka kabalo ang tanan dira sa barangay nila nga nagagamit ang mag-amay nga Boboy tapos negatibo sa drug test tunod sang konektion nila sa sulod.

Leave a Reply

Previous post Mangunguma, nakaluwas sa pagpangtiro sa Lambunao
Next post Gov. Art Defensor, ginarespeto ang desisyon ni BM Manny gallar nga magsaylo sa kampo ni Cong. Ferj Biron