Security guard, patay matapos nadisgrasya sa motorsiklo sa Balasan

Balasan, Iloilo–Patay ang security guard nga nadisgrasya sa motorsiklo sa Balasan kaina sang kaagahon.

Ginkilala ang napatay kay Antonio Bañes, 23 anyos sang Barangay Manlot, Carles kag guwardya sang mall sa Balasan.

Suno sa Balasan police, halin sa Estancia si Bañes kag samtang pabalik, may nag-overtake sa iya gani nga nagpalumbaanay sila tubtob nadisgrasya ang guwardya sa atubang mismo sang mall nga iya gina-obrahan sa Balasan. Gindala pa ini sa Balasan District Hospital apang gindeklarar nga dead-on-arrival.

Ginpahayag sang police nga naka-inom ang guwardya. (AGB)