Lalaki nga ginreport nga missing sang iya pamilya, nasapwan nga nagabitay

Barotac Viejo, Iloilo — Patay na sang nasapwan ang lalaki nga una ginreport sang iya pamilya nga missing sa Santiago, Barotac Viejo.

Ginconfirmar ni Chief Inspector Joven Arevalo, hepe sang Barotac Viejo Police Station, nga nakita sang iya utod ang bangkay ni alyas John, 44 anyos, nga nagabitay sa puno sang Indian mango mga duha ka kilometro halin sa ila balay pasado alas-2 kahapon sang hapon.

Suno kay Arevalo, nagpablotter ang pamilya sang Hulyo 5 sang hapon nga wala nakapauli si John. Ginpahayag nga Hulyo 4, alas-8 sang aga, naglisensya ini nga mapaharab sang karabaw apang wala na nakabalik.

Nagapati naman ang pamilya nga wala sang foul play sang kamatayon ni John. Base sa imbestigasyon sang police, nagasuprer sang nerbyos si John nga bulag na sa iya asawa. Yara na sa state of decomposition ang bangkay sang nasapwan. (JoMaque)