November 28, 2021

Bangkay sang pulis nga gintiro-patay sang kasubong nga pulis sa Janiuay, na-autopsy na; Biktima, tuyo gid patyon sang suspect suno sa medico-legal officer

Read Time:54 Second

Kampo Delgado, Iloilo City – Duha ang patal nga pilas sa tatlo ka igu sa lawas ni PO1 Melchor Casipe Jr., nga gintiro sa sulod sang 602nd Company Headquarters sang Regional Mobile Force Battalion ukon RMFB 6 sa Barangay Guadalupe, Janiuay sang Hulyo 8.

Suno kay Medico Legal Officer Dr. Owen Libaquin sang Police Regional Office 6, naigu ang baga kag corazon sang biktima nga gintunaan sang iya kamatayon.

Magluwas nga may duha ka igu sa likod ang biktima, naigu pa ini sa hita kag naglapus sa iya alatrasan ang bala.

Bag-o lang naka-inom sang makahulubog nga ilimnon kag nakapanyapon ang biktima suno pa kay Libaquin sang gintiro.

Narecover sa lawas ni Casipe ang duha ka slug sang .9mm caliber pistol kag 6 ka metallic fragments sang .9mm.

Kon basehan ang igu sang biktima may yara sang ‘intent to kill’ ang suspetsado dugang ni Libaquin.

Suspek sa pagtiro sa iya si PO1 Christian Kenneth Senon nga naka-upod sini sa pag-inum-inom antes ang insidente.

Ginpahayag nagbaisay ang duha bangud sang isyu sa respeto kag seniority. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Lalaki, nabun-an kag nakastiguhan sa peryahan
Next post Gov. Art Defensor, nanindugan nga wala sang lamod politika ang pagrelease sang provincial government sang P16 million nga balor sang mga proyekto