Former Desamparados, Jaro PB Noemi Jablo kag kabulig sa negosyo, napasakaan na sang kaso matapos nadakpan sa drug buy bust operation

Pavia, Iloilo – (UPDATE) Napasakaan na sang kaso si anay Desamparados, Jaro Punong Barangay Noemi Jablo kag kabulig nga si Alton Guirjen matapos nadakpan sa drug buy bust operation sa Ungka 2, Pavia kahapon.

Ini ang ginconfirmar ni Senior Inspector Kennith Bermejo, hepe sang Regional Drug Enforcement Unit ukon RDEU.

Suno kay Bermejo, ginpasakaan sang kaso nga selling, posession of illegal drugs, kag posession of drug paraphernalia si Jablo samtang conspiracy ang ginpasaka sa ginpahayag runner nga si Guirjen sa Iloilo Provincial Prosecutors Office.

Si Jablo suno kay Bermejo ang nagdaho sang bangrus nga may nakaipit nga sachet sang suspected shabu sa hasang.

Nagabaligya sanday Jablo sang baboy kag isda sa talipapa sa Ungka 2 sang gindakup sang RDEU Operatives kahapon.

Preso sa Pavia Police Station ang duha ka suspects. (JoMaque)