ICLAJODA Suportado Ang Plano Sang PSTMO Nga Tugutan Ang Mga Provincial Jeepneys Nga Makasulod Sa Syudad Kada Lunes Sang Aga Bisan Wala Sang Car Pass Pero Dapat Nga Unahon Nga Aksyonan Sang City Government Ang Mga Obstruction Sa Dalanon Kag Aga Pa Nga Pagplastar Sang Traffic Aides

Iloilo City — Wala nagapugong ang Iloilo City Loop Alliance of Jeepney Owners and Drivers Association ukon ICLAJODA  sa pagsulod sang provincial jeepneys sa syudad kada Lunes sang aga agud may magbulig hakut sang mga pasahero.

Apang dapat unahon sang syudad ang paghawan sang mga obstruction sa dalanon kag aga pa nga pagbutang sang traffic aides suno kay ICLAJODA President Raymundo ‘Boyet’ Parcon.  Suno kay Parcon, nagakadelay ang pagbalik sang mga jeep sa transport terminals bangud sang mga sablag sa dalanon kag gin-isa-isa man ini sang ila grupo kay Public Safety and Transportation Management Office Head Jeck Conlu sa ila meeting kahapon.

Maga-obserbar ang transport groups sa syudad upod kay Conlu sa Lunes sang aga agud mahibaluan ang rason kon ngaa ginakulang ang mga jeep sa mga terminals kon Lunes sang aga.

(ATT)