Kustomer sa burger stand, nagpangbuno matapos ginsukot sang iya ginkaun
Balasan, Iloilo – Tatlo ka pilas sa lawas ang naagom sang lalaki nga helper sang burger stand matapos ginbuno sang customer sa Poblacion Norte, Balasan, pasado las 3 kahapon sang hapon.
Suno kay SPO4 Edwin Toreres, deputy chief of police sang Balasan Police Station, ginkilala ang biktima kay Rey Abanto, 44-anyos kag motorcycle driver.
Sa imbestigasyon sang pulis, nagkaon sa Franks Burger ang suspek nga si John Paul Bolanon, 32-anyos.
Naglakat lang si Bolanon kag wala nagbayad sang iya ginkaon rasun nga ginlagas ni Abanto kag ginsukot.
Posible naakig ang suspek kag iya ginbuno ang biktima gamit ang kutsilyo suno sa pulis.
Ginapatihan nga hubog si Bolanon. Napilasan man ang suspek bangud ginkastigo siya sang mga driver nga nagatambay sa lugar. (JoMaque)