Bangud sa malain nga tiempo sa syudad, klase sa mga eskwelahan ginkanselar

Iloilo City–Ginkanselar ni Mayor Joe Espinosa ang klase sang mga eskwelahan sa tanan nga level kaina sang hapon bangud sang pagbaha dala sang mabaskug nga ulan kag hangin.

Sa ginpaguwa nga advisory sa Iloilo City Government Facebook page, ginmandu ni Espinosa ang kanselasyon sang mga klase sa tanan nga levels halin alas-3 sang hapon. Kasunod ini sang rekomendasyon ni Ms. Donna Magno, head sang City Disaster Risk Reduction and Management Office.

Madamo naman ang nag-react kag nagpakamalaut bangud sang ulihi nga announcement nga ginpost pasado alas-2 sa hapon. Suno sa mga netizens, kalabanan nga estudyante ang nakasulod na sa klase. (AGB)