PSTMO head Jeck Conlu, nagpaathag sa diutay lang nga mga traffic auxiliaries sa pagpugok sang trapiko sa mga dalanon

Iloilo City — Nagpaathag si Public Safety and Transportation Management Office (PSTMO) head Jeck Conlu kon ngaa diutay lang ang traffic auxiliaries sa mga dalanon kahapon rason sang pagpugok sang trapiko sa syudad.

Suno kay Conlu, nabasa ang pila ka auxiliaries bangud sa pag-ulan, may naglain ang pamatyag kag kulang gid ang numero sang auxiliaries sang syudad. May mga equipment man ang mga ini apang indi kompleto.

Madamu sang mga pasahero ang nastranded sa mga mayor nga dalanon kahapon bangud sa indi gilayon makabalik ang mga jeep tuga sang pagpugok sang trapiko.

Nagpanindugan naman si Iloilo City Loop Alliance of Jeepney Owners and Driver’s Association (ICLAJODA) president Boyet Parcon nga trapiko sa syudad ang nagapadugay sa mga jeepneys sa pagbalik sa terminal.

Gintumod ni Parcon ang mga road projects nga wala mahuman sa pagpugok sang trapiko. Nagaka-ipit suno sa iya ang mga jeep sa trapiko ilabe na sa mga karsada nga may yara sang road projects. (JoMaque)