(UPDATE) Ginkabkab nga portion sang Quezon Street sa City Proper, nabuhusan na sang semento

Iloilo City–Nabuhusan na sang semento ang ginakay-o nga dalan sa dalan Quezon, City Proper.

Tatlo ka semana man nga naghatag sang huol kag nagpabudlay sa mga nagalabay kag mga negosyo sa area ang ginkabkab nga karsada bangud nga wala ginbalikan sang contractor nga Jaime B. Ching Enterprises.

Nangin kontrobersyal ang karsada bangud gintamnan una sang lunok sa kaugot sang mga naperwisyo sang madugay nga pag-obra sang proyekto.

Matapos ang lunok, gintamnan naman sang saging ang karsada kag ginbutangan sang placard nga may nakasulat nga “Freedom of Expression.”

Suno sa mga residente, ginbuhusan sang semento ang karsada sugod alas-8:30 kagab-i tubtob alas-12 sang tungan gab-i bisan naga-ulan. (AGB)