Mayor Joe Espinosa, handa nga mag-atubang sa kaso nga ginpasaka sang MIWD batuk sa iya bangud sa pag-appoint sang bag-o nga board of directors

Iloilo City — Handa atubangon ni Mayor Joe Espinosa ang kaso nga ginpasaka sang Metro Iloilo Water District batuk sa iya bangud sa iya pag-appoint sang bag-o nga Board of Directors sang water district bisan wala sang bakante.

Ginpanindugan ni Espinosa nga ginapakigbato niya lang ang kinamatarung sang syudad bilang majority consumers sang MIWD gani nga nagakadapat nga siya ang mag-appoint sang Board of Directors base man sa ruling sang Korte Suprema. Suno pa sa alkalde, ginapakigbato niya ang kinamatarung sang pumuluyo nga mahatagan sang nagakaigo nga supply sang tubig.

Ginkasuhan sang MIWD si Espinosa sang duha ka counts sang Usurpation of Official Functions kag tag-isa ka count sang Graft and Corrupt Practice, Grave Abuse of Authority, Gross Negligence, Gross Misconduct kag Acts Contrary to the Law sa Ombudsman. (JoMaque)