December 1, 2021

36 anyos nga lalaki sa Lapaz, ginpapreso sang iya live-in partner matapos siya ginhaboy sang balde

Read Time:57 Second

Lapaz, Iloilo City – Nagahilibiun ang 28 anyos nga waitress nga tumandok sang Capiz matapos ginhaboy sang plastic nga balde sang iya nakainom nga live-in partner gani iya ginpapreso kagab-i, Hulyo 20.

Suno kay PO2 Edna Magbanua sang Women and Children’s Protection Desk, base sa panaysayon sang babaye, halin siya sa trabaho sang pagsulod sa pwertahan sang ila boarding house, ginhaboy siya sang balde sang iya live-in partner kag naigo gid siya sa tiyan. Antes sini, may impormasyon man nga masami nga ginasakit sang lalaki ang babaye.

Ginpapreso sang babaye ang iya live-in partner agud makapanghimos siya kag makapauli sa Capiz. Wala sang plano nga magpasaka sang kaso sa iya live-in partner ang waitress suno kay PO2 Magbanua.

Nakaguwa kaina sang aga, Hulyo 21, ang lalaki matapos nag-expire ang iya detention period. Naghinulsol ini suno sa pulis pero wala na naabtan sa ila boarding house ang iya live-in partner.

Ang lalaki suno kay PO2 Magbanua, may bata sa iya una nga asawa. Nakaagi man ini nga ginreklamo sang iya una nga asawa nga mapintas. Wala sang trabaho ang lalaki. | (JoMaque)

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Listahanay para sa social pension sang mga senior citizens, may problema — Councilor Armand Parcon
Next post Klase sa tanan nga level sa mga pampubliko kag pribado nga mga eskwelahan sa syudad, suspendido subong nga adlaw bangud sang malain nga panahon