Mga contractors sang delay nga road projects sa syudad, gintawag ni Mayor Joe Espinosa nga mga “bongklok”

Iloilo City–Gintawag nga “bongklok” ni Mayor Joe Espinosa ang mga contractors sang mga delay nga proyekto sa syudad.

Bangud ini sang wala-tuo nga obrahanay sang mga karsada nga tuman kadugay ang pagtapos.

Suno sa alkalde, gakatol ang iya ulo sa halos wala untat nga kabkabanay kag tsug-tsuganay nga wala sang koordinasyon sa siyudad. Ginhalimbawa pa sini ang obra sang Sargasso Construction sa Jalandoni, City Proper nga detention tank pero wala man sang lutsan ang tubig.

Nagapati ang alkalde nga wala sang feasibility study ang proyekto antes gin-obra.

Nabatian man sini nga may pulitiko nga yara sa likod sang mga kontrata gani nagapabungol-bungol man ang pila ka mga contractors.

Nagsapol si Espinosa upod ang Presidential Management Staff subong nga hapon agud magpautwas sang mga kapalpakan sang DPWH kag mga contractors. (AGB)