Suldado nga nagtiro patay sa iya kasubong nga suldado sa kampo sa Tapaz, Capiz, nagtuyo magpanginmatay gamit ang liston sang iya combat boots

Tapaz, Capiz — Nagtuyo magpanginmatay ang soldado nga nagtiro patay sa iya kasubong nga soldado sa kampo sa Tapaz, Capiz sang nagligad nga semana.

Ginconfirmar ni Senior Inspector Edwin Luces, hepe sang Tapaz Police Station, nga gingamit ang soldado ang liston sang iya combat boots nga ginhigut sini sa iya liog antes ginhigut sa kabilya sang bintana, nagtungton sa katre kag naglumpat.

Estable na si Sargie nga una gindala sa Tapaz District Hospital apang ginsaylo sa Western Visayas Medical Center agud mahatagan sang nagakaigo nga pagbulong.

Si Sargie ang suspek sa pagpatay kay PFC Delio Sebarillo. Una na ginbuyagyag sang asawa ni Sargie nga naka-agi nga na-confine ang soldado sa AFP Medical Hospital kag gin-diagnose nga may psychotic disorder apang ginhatagan man sang clearance nga makabalik sa trabaho. (JoMaque)