(UPDATE) Presidential Management Staff regional head Ruby Plagata, nagbag-o sang iya una nga statement; nagpahayag nga may rason ang pagka-delay sang mga road projects sa syudad

Iloilo City–Nagpaguwa sang bag-o nga statement si Presidential Management Staff regional head Ruby Plagata matapos nag-ani sang pagpakamalaut ang iya una nga pahayag nga wala sang delay nga road projects sa syudad.

Ginpaguwa ini ni Plagata kasunod sang closed-door meeting sini upod kay Mayor Joe Espinosa kag DPWH officials kahapon. Sa una nga statement, ginpahayag ni Plagata nga wala sang delay nga road projects kundi gina-extend lang ilabe pa kon naga-ulan.

Apang sa pinakaulihi sini nga statement, ginpahayag ni Plagata nga may mga rason lang kon ngaa delay ang mga road projects.

Angut naman sa kon ngaa ginhimo nga closed-door ang meeting, ginrason ni Plagata nga luyag lang sini nga tayuyon ang sinapol. (AGB)