Mga suspek sa pagtiro patay sa negosyante sang itlog pugo sa Iloilo Terminal Market, nakilala na
Iloilo City (UPDATE) – Gin-aku sang hepe sang City Proper Police Station nga nabudlayan sila nga magpangita sang testigo sa pagtiro-patay sa negosyante sang itlog pugo nga si Ranny Bibanco sa Iloilo Terminal Market sang Hulyo 13.
Suno kay Supt. Jonathan Pablito, madamo ang nagahatag sa ila sang impormasyon apang nahadlok sila nga magtestigo bangud sa kahadlok nga dumtan sang mga suspects.
Natumod na suno sa iya ang mga suspetsado matapos nga nakakuha sila sang CCTV footages halin sa crime scene, gin-agyan sang mga suspect kag ginpadulongan nila nga barangay sa Lapuz.
Ila ginpa-enhance ang kuha sang CCTV agud mangin klaro ang nawong sang mga suspetsado. (JoMaque)