MONICA BLUMENTRITT, CITY PROPER PUNONG BARANGAY KEITH “DABING” ESPINOSA KAG 4 KA IBAN PA NGA KAPITAN, WALA NAKABOTO SA LIGA FEDERATION ELECTION SA SIYUDAD
Iloilo City – Wala nakaboto si Monica Blumentritt, City Proper Punong Barangay Keith “Dabing”Espinosa sa Liga Federation Election sa siyudad kaina sang aga, Hulyo 30.
Suno kay Liga President Roberto Niño, on leave si Espino nga kalakip sa lima ka mga punong barangay nga napaslawan nga makaboto.
Samtang, wala man nakaboto sanday Punong, Lapuz kapitan Titz Asturias bangud yara sa Manila; Q Abeto, Mandurriao Kapitan Ramon Amoroso; Ma Christina, Jaro Punong Barangay Pepito Villegas kag Danao, City Proper Punong Barangay Welma Te nga lunsay wala nakabayad sang Liga Fee nga nagabalor P15,000.
Sa 180 ka mga barangay, 175 ang nakaboto sa Liga Elections. (JoMaque)