PRO-6, may 67 ka tokhang activities sugod sang ginlunsar ang tokhang kontra ginadilian nga pusil sa Rehiyon
Kampo Delgado – Naglab-ot sa 67 ka tokhang activities ang narekord sang Police Regional Office ukon PRO-6 sa implementasyon sang tokhang kontra ginadilian nga pusil sa Western Visayas.
Suno kay PRO-6 Regional Director Chief Supt. John Bulalacao, ini ang narecord halin sang Hulyo 23 tubtob 27 matapos ginlunsar ang programa.
Paathag ni Bulalacao nga kabahin ini sang una nga approach antes pa man ang pagserbe sang search warrant sa mga tag-iya sang pusil nga wala sang rehistro.
Kaangot sini, naghingyo si Bulalacao sang kooperasyon halin sa publiko ilabe na ang mga may armas nga wala sang lisensiya kag gunowners nga wala marenew ang lisensiya.
Una na nga ginpahayag ni Bulalacao nga daku ang mabulig sini agud mauntat ang pagdata sang loose firearms nga kalabanan ginagamit sa krimen. (JoMaque)