15-anyos nga solterito, natiruhan sa Iloilo Fishing Port, naospital
Iloilo City — Natalana operahan ang 15-anyos nga solterito matapos natiruhan samtang nagalakat pakadto sa Iloilo Fishing Port pasado alas 11:00 kagab-i (Agosto 1).
Ginkilala ang biktima kay alyas John sang Rizal Estanzuela, City Proper nga napilasan sa tiyan.
Ginpahayag sang biktima nga mapaluto lang kontani sila sang isda sa fishing port kaupod ang duha ka iban pa sang ginlabayan sang van kag gintiro.
Gindala si alyas John sa West Visayas State University Medical Center samtang padayon nga gina-imbestigaran sang kapulisan ang insidente. (JoMaque)