Campaign Plan: Clean Rider, operational na suno sa Police Regional Office 6

Kampo Delgado, Iloilo City–Operational na umpisa kahapon ang Campaign Plan:Clean Rider sang Police Regional Office 6.

Suno kay PRO 6 spokesperson PSUPT Joem Malong, lima ka libo “Clean Rider” stickers ang initial nga ipanagtag apang nagrequest na sila sa PNP national headquarters sang dugang nga stickers.

Gin-athag ni Malong nga indi compulsory ang pagparehistro sang motorsiklo sa idalum sang programa apang gina-engganyo nila nga magpssakup ang mga motorcycle owners agud malikawan ang anuman nga hu-ol sa checkpoints.

Katuyuan sang programa suno sa iya nga ma-account ang tanan nga motorsiklo kag mahapos nga mahibaluan kon ang salakyan involved sa illegal nga aktibidad ukon may nagkawat. Katuyuan man ini nga matapna ang sunod-sunod nga krimen nga ginatudlo kahimuan sang suspects nga nagasakay sa motorsiklo.

Sa luyag magparehistro, ginapanugyan ni Malong nga magkadtu lang sa mga malapit nga police stations, magdala sang driver’s license, OR-CR kag iban pa nga dokumento. Ginsulit ni Malong nga LIBRE ang pagparehistro kag ang sticker. (AGB)