December 1, 2021

20-anyos nga nurse sa Pototan, nagreklamo nga ginhimuslan sang iya duha ka high school batchmates; mga suspetsado, nadakpan

Read Time:1 Minute, 6 Second

Iloilo — Nagreklamo sa Pototan police ang 28 anyos nga nurse nga ginhimuslan siya sang iya duha ka high school batch mates sang nagtipon-tipon sila.

Suno kay PO2 Raquel Cayton, imbestigador sang Pototan Police Station, pasado alas-12 sang kaagahon kahapon, Agosto 3, sang naubusan sang ilimnon ang mag-batch mates gani nagpa-banwa agud magbakal. Anum ang nasakay sa van upod ang tagreklamo nga si alyas Inday kag duha ka ginareklamo nga sanday alyas Toto kag alyas Nonoy.

Nag-ayo si alyas Toto nga ihapit ini sa ila balay bangud nagalingin ang iya ulo sa kahulugbon gani gin-agubay ini ni Nonoy kag nagbulig man si Inday. Mapahapit na lang kuntani ang tatlo sa ila mga kaupod nga nagbakal sang ilimnon kon magbalik na sila sa balay sang ila batch mate.

Ginpahayag ni Inday nga ginyudyud siya sang duha sa dalum balay nga nagaserbe bodega. Mga alas-4 ini nakabugtaw kag nakita nga baliskad na ang iya bayo, bukas ang zipper sang iya pantalon kag nagasakit ang iya pus-on.

Ginpahayag pa ni Inday nga naglukso siya sa pader kag nagbantay sang jeep agud magkadto sa police station. Ginpa-idalum sa medical examination si Inday samtang nadakpan sa follow-up operation sanday Nonoy kag Toto sa balay sang ila batch mate mga alas-6 kahapon sang aga, Agosto 3.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PSTMO Head Jeck Conlu, plano nga maghire sang dugang nga traffic aides kon madayon nga himuon 24 oras ang ila duty
Next post Programa sang PDEA 6, posible maapektuhan kasunod sang overhaul sang mga empleyado nga gin-swap sa mga personnel sang Region 7