December 4, 2021

Board resolution sa fare increase sa Western Visayas, posible nga maabot sa Agosto 6

Read Time:53 Second

Iloilo City–Ginapa-abot nga mabaton na sang Land Transportation Franchising and Regulatory Board Regional Office 6 sa Lunes, Agosto 6, ang board resolution halin sa LTFRB central office angut sa duha ka pesos nga fare increase sa depasahero nga mga jeep jeep sa Western Visayas.

Suno kay LTFRB 6 Director Richard Osmeña, iga-publish nila sa pahayagan sa sulod sang 15 diyas sa tion nga mabaton ang board resolution.

Matapos ang publication, gilayon nga maga-issue suno sa iya sang fare matrix ang ahensya para sa mga jeepney operators.

Una na nagwangal ang transport group Iloilo City Loop Alliance of Jeepney Owners and Drivers Association ukon ICLAJODA nga wala gihapon naka-issue sang bag-o nga fare matrix ang LTFRB 6  bangud Hunyo pa gin-aprobahan ang  ila petition for fare increase.

Nagpa-andam naman si Osmeña sa mga jeepney drivers nga indi anay magpatuman sang fare increase samtang wala pa na-publish ang board resolution kag nakakuha sang fare matrix.

Mahimo na nga P8.50 ang regular fare kon mapatuman ang bag-o nga pletehan. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Bangkay sang babaye nga nasapwan sa Jordan, Guimaras nakilala na
Next post Panday, dakup sa drug buy bust operation sa Jaro