LTFRB 6, nagsugod na panagtag sang application forms para sa Pantawid Pasada Program

Iloilo City — Nagasugod na ang Land Transportation Franchising and Regulatory Board 6 sa pagpa-fill up sang application forms sa mga operators para sa Pantawid Pasada Program nga programa sang LTFRB, Department of Transportation kag Department of Energy.

Suno kay LTFRB 6 Director Richard Osmeña, hatagan sang 5 mil pesos ang mga tag-iya sang salakyan paagi sa ATM cards. Fuel subsidy ini sang gobyerno sa mga operators suno kay Osmeña kag magamit sa diin man nga branch sang Petron Gas Stations.

I-forward pa ang mga forms sa central office.  Ginahulat pa man sang LTFRB 6 ang guidelines sang programa suno kay Osmeña. (JoMaque)