Van naaksidente sa Dumangas, 8 pilason lakip ang 5 ka foreigners

Dumangas, Iloilo — Walo amg pilason sang nagbaliskad ang ginasakyan nga van sa Brgy. Balabag, Dumangas kahapon, Agosto 3.

Suno kay PO2 Josebel Doromal, imbestigador sang Dumangas Police Station, nag-overtake ang van sa ginasundan nga salakyan apang nadulaan sang kontrol sa manibela ang driver nga si Joan Tobellera, 49 anyos sang Ajuy, Iloilo.

Nakabunggo sa poste ang salakyan kag nagbaliskad.

Gilayon nga gindala sa magkatuhay nga ospital ang mga pasaehro nga napilasan. Mapadulong kuntani sa Isla Gigantes sa Carles ang mga pilason lakip ang lima ka Americans sang naaksidente. Preso na ang driver sa Dumangas Police Station.  (JoMaque)