On-going road project sa Trapiche, Oton, kulang sa warning device kag project billboard
Trapiche, Oton– Ginreklamo sang mga pumuluyo ang kakulang sang warning device kag project billboards sa road widening kag remove and replace project sa Trapiche, Oton.
Suno sa residente nga si Gregorio dela Cruz, may mga porsyon nga nag-untat ang pag-ubra sa road widening project bangud suno sa contractor nga Wilkinson Construction kulang ang materials kag wala sang bato kag balas.
Sang Pebrero pa suno sa iya ang proyekto apang wala pa natapos tubtob subong.
Ang Wilkinson Construction ang naga-ubra sa widening project samtang ang G. Uy Construction naman sa remove and replace.
Naobserbahan man nila nga uyaya mag-trabaho ang mga trabahador bangud las 9 sa aga na sila nagasugod kag las 3 sa hapon sila naga-untat. (JoMaque)