(UPDATE) Karsada sa Trapiche, Oton nga madugay matapos,  gintanuman naman sang mga residente; duha ka contractors, masapol agud istoryahan ang pagtapos sang proyekto

Oton, Iloilo–Gintibsukan naman sang mga residente sang palma ang wala pa natapos nga karsada sa Barangay Trapiche.

Suno kay Punong Barangay George “Butch” Mediodia, Pebrero sang nagsugod sa pag-obra sang karsada ang Wilkinson Construction para sa road widening samtang Hunyo naman ang Uy Construction para sa remove and replace.

Ginpasikto pa ni Mediodia ang Wilkinson Construction kun san-o matapos ang pag-obra sang karsada apang nagpasalig lang, ginbayaan kag sang damlag lang ginbalikan.

Sa bahin naman sang mga motorista suno sa iya, wala sila nagkulang sa pagpahibalo nga maghalong sa paglabay sa karsada.

Ginpabutyag sang punong barangay nga madamu na nga mga salakyan ang nadisgrasya sa lugar.

Gin-athag naman ni Mediodia nga nakalisensya sa iya ang mga pamatan-on sa ila lugar nga tibsukan sang palma ang gina-obra nga karsada. (AGB)