December 1, 2021

Community Police Action Center, ipahamtang sa atubang sang Iloilo District Jail sa Barangay Nanga, Pototan

Read Time:54 Second

Pototan, Iloilo–Magabutang sang Community Police Action Center ukon COMPAC sa atubang sang Iloilo District Jail sa Barangay Nanga ang Pototan Police Sstation.

Isa ini sa mga na-istoryahan sa sinapol ni PCI Ronnie Billo, hepe sang Pototan MPS, kaupod ang mga opisyal kag mga residente sang lima ka barangay nga nagapalibot sa IDJ.

Suno kay Brillo, i-deploy sa COMPAC ang duha ka pulis, isa ka barangay official, isa ka tanod kag ginasuhestyun man ang pag-deploy sang army reservist. Magabulos-bulos suno sa iya sa pag-duty ang mga officials kag tanod sang mga barangay Nanga, Bungco, Pajo, Culob kag Cansilayan.

Trabaho sang mga naga-duty sa COMPAC ang magpanilag kag mag-check sa mga dalaw kon ara sa guwa sang jail facility.

Na-obserbahan ni Brillo nga wala sang jurisdiction kag wala sang ideya ang mga jail personnel sa nagakatabu sa guwa sang presuhan.

Una na ginhangkat ni PRO 6 Director PCSUPT John Bulalacao ang alkalde sang Pototan nga papason ang illegal nga druga ilabe na sa IDJ matapos ang sinapol sini sa League of Municipalities sa probinsya. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Masobra 60 ka balay, nasunog sa Barangay Taytay Zone 2 kag Barangay Calubihan sa Jaro
Next post Mga nagagaway nga kable sang kuryente kag telephone lines, gintumod nga isa sa mga rason sa mabudlay nga pagresponder sang mga bombero sa sunog sa Taytay Zone 2 kag Calubihan, Jaro