November 27, 2021

Barker nga nainterview sang Aksyon Radyo, nagapangayo sang bulig sa city government

Read Time:53 Second

Iloilo City — Nagpangayo sang bulig ang barker sa gobierno sang syudad kun pauntaton na sila sang ila trabaho. Suno sa barker sa Jaro plaza nga si alyas GL, madulaan sila sang palangabuhian bangud pangdakpon na sila kon magpadayon sa ila trabaho.

600 tubtub 700 pesos kuntani ang iya income sa pag-barker lakip na ang pagbaligya sang bottled water halin las 8 sa aga tubtub ala 1 sa hapon kada adlaw.

Dire siya suno sa iya nagakuha sang ginapakaon kag ginapa-eskuwela sa iya pito ka kabataan. Pananglitan nga hatagan siya sang bulig pinansyal, plano niya nga magbaligya sang isda kag nakahanda man nga talikdan ang iya pag-barker.

Si GL ang isa sa mga nahatagan sang P5,000 nga livelihood assistance sang panahon ni anay Mayor Jed Patrick Mabilog apang gingamit niya ang kuwarta sa ospital bangud natabuan nga nagmasakit ang isa niya ka bata.

Sugod sa Lunes, dakpon na san mga police ang mga barkers sa syudad kasunod sang mandu ni Public Safety and Transportation Management Office ukon PSTMO Head Jeck Conlu.   (JoMaque)

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga nagagaway nga kable sang kuryente kag telephone lines, gintumod nga isa sa mga rason sa mabudlay nga pagresponder sang mga bombero sa sunog sa Taytay Zone 2 kag Calubihan, Jaro
Next post Foreman, patay sang ginbuno sang construction worker sa Pavia