Ginabanta 7 ka bulan nga fetus, nasapwan sa Tanza cemetery

Iloilo City — Nasapwan sa Tanza Cemetery ang ginabanta pito ka bulan nga fetus nga babaye kahapon, Agosto 11.

Suno kay Ms. Juliet Fuertes sang City Environment and Natural Resources (CENRO), nasulod sa karton nga nasulod man sa plastic shopping bag ang fetus kag ginbilin sa pantyon.

Ginpa-benditahan kag ginlubong suno sa iya ang fetus bangud nga nagapanimaho na.

Ginpahayag ni Fuertes nga may tion sadtu nga ginahaboyan sang patay nga fetus ang patyo apang una ini nga natabu subong nga tuig. (JoMaque)