November 29, 2021

15 ka pulis sa Sara Police Station, ginrelieve matapos natukiban sa inspection ni IPPO Director Marlon Tayaba nga wala nagaduty

Read Time:55 Second

IPPO Headquarters–Ginkumpirmar ni Iloilo Police Provincial Office Director Senior Supt. Marlon Tayaba ang pag-relieve sa 15 ka mga pulis sang Sara Municipal Police Station sang Agosto 7.

Suno kay Tayaba, natukiban niya sa iya pag-inspeksyon nga wala sang may naga-duty nga police sa estasyonan samtang yara naman sa guwa ang detainee kag ginahimo nga striker. Ang vice mayor sang banwa suno sa iya ang makamatuod nga wala ini sang may nakita nga pulis sang nagkadtu sila sa police station antes ang town fiesta.

Una nga naglibot-libot sa banwa si Tayaba agud mahibaluan kon may nagabantay nga police apang wala ini sang may nakita gani nagkadtu sa police station tubtub naabtan nga wala sang may naga-duty sa estasyonan.

Ginpahayag ni Tayaba nga sang nagligad pa nga tuig ginakonsiderar nga i-relieve ang mga pulis sa Sara apang ginhatagan sang tsansa nga mag-improve.

Apang pareho man gihapon ang natabu sang naghimo siya sang sorpresa nga inspection.

Ginpaidalum sa summary procedure ang mga ginrelieve nga police kag ginpang-reassign sa nagkalain-lain nga police stations sa probinsya suno kay Tayaba. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Brgy. Igpigus, Igbaras nga gin-igo sang landslide, ginpaidalum sa state of calamity
Next post Mga pusil kag sachets sang suspected shabu, nakumpiskar sa raid sa Pavia; subject sang operasyon kag 2 pa, arestado