7 ka ginapatihan miembro sang NPA nga ginserbihan sang warrant of arrest sa San Jose, Antique, patay sang ginpahayag nagbatu sa mga pulis kag suldado
San Jose, Antique — Ginkumpirmar ni Lieutenant Colonel Sisenando Magbalot Jr, commander sang 61st Infantry Battalion sang Philippine Army nga pito ang napatay sang nagserbe sang warrant of arrest ang mga pulis kag suldado sa Barangay Atabay, alas 12:10 kaina sang kaagahon, Agosto 15.
Suno kay Magbalot, subjects sang search warrant sanday Jason Talibo alyas Bebe kag Joven Ceralvo alyas Lex apang nagbatu sila sa tropa.
Ginpahayag ni Magbalot nga napasulod palang sa area ang mga otoridad sang ginpalukpan sila sang granada.
Wala sang may napilasan sa mga miembro sang pulis kag suldado.
Naglawig ang tiruhay sang 33 minutos antes nasapwan ang pito ka bangkay sang ginapatihan miembro sang New People’s Army ukon NPA.
Na-recover sa encounter site ang mga hand grenade, pusil, cellphones, 4 ka laptops, extortion letters, mga pangalan ang construction company kag mga importante nga papeles.