SUSPECT SA PAGTIRO-PATAY SA DETACHMENT COMMANDER SANG PHILIPPINE ARMY SA CAPIZ, MAY KALAIN SANG BUOT SA BIKTIMA

Nagtanum sang kalain sang buot si Bonny Jimenez, 39-anyos, CAFGU member kag residente sang Barangay Taganghin. Ini ang rason kun nga gintiro sini ang iya detachment commander nga si Staff Sergeant Ronilo Esoy.

Suno kay Senior Inspector Edwin Luces, hepe sang Tapaz Police Station, ginhambalan sang malain nga tinaga ni Esoy si Jimenez rason nga gin-akig sini.                  Sa imbestigasyon sang Tapaz Police, naglisensiya ang CAFGU member sa iya superior nga magpakigkita sa iya asawa kag bata kag ginpasugtan man ini pero pagkahapon liwat naman ini nga naglisensiya rason nga gin-akig ni Esoy kag nagbuhi sang malain nga tinaga sa suspetsado.

Gindala pa sa ospital si esoy apang wala gid natabangan bangud sa patal nga pilas sa dughan.

Suno luces, ginsulod sang suspetsado ang biktima sa admin office kag gintiro sang m16 riffle. Gintamyaw pa sang suspek ang biktima dala taya sang armalite.