Asawa Arestado Matapos Ginbuno Ang Iya Bana Sa Lambunao

Lambunao — Preso ang 49-anyos nga asawa matapos ginbuno ang iya bana

Suno kay PO2 Jessie Fussin, imbestigador sa Lambunao Police Stayion, ginbuno sang asawa ang iya bana  matapos niya ginsumbag sa tiyan ang ila nga bata.

Sa imbestigasyon sang pulis, posible nangakig ang 45-anyos nga biktima matapos sila ginsaway nga mag-asawa sang ila bata bangud nagabaisay.

Nalipong gid ang bata matapos ginsumbag sa tiyan sang iya amay kag ginsaruso pa liwat rason ginapatihan ginbuno sang asawa ang biktima.

Gindakop sa ospital ang asawa nga nag-upod sa pagpabulong sa iya bana.

Preso sa Lambunao Police Station ang asawa samtang padayon naman nga ginabulong sa Western Visayas Medical Center ang bana nga may duha ka pilas sa tiyan.

(ATT)