(UPDATE) 16 anyos nga solterito nga gintiro sang riding-in-tandem sa Pavia sang weekend, kritikal

Pavia, Iloilo–Kritikal ang 16 anyos nga solterito nga gintiro sang riding-in-tandem sa Barangay Pandac, Pavia sang Agosto 18 sang gab-i.

May pilas sa tuo nga parte sang ulo si alyas EC nga padayon ginabulong sa Western Visayas Medical Center.

Posible naman suno kay Chief Inspector Fernan Limbungan, hepe sang Pavia Police Station, nga nasalabat lang ang biktima kag ginapatihan nga ang ka-istorya sini ang target sang wala pa makilala nga mga suspek.

Sa imbestigasyon sang police, nag-inaway ang grupo sang biktima kag apat ka sakay sa motorsiklo nga naaksidente sa Pandac kag ila ginbuligan sang nagligad nga semana.

Halos duha ka semana pa lang nga nag-abot sa Pavia ang biktima nga tumandok sang Sultan Kudarat. (AGB)