ILOILO INTERNATIONAL AIRPORT SUPERVISOR ART PARREÑO NAGHINGYO SANG PAGHANGOP SA PUBLIKO KASUNOD SANG PAG-ISTRIKTO SA MGA NAGASULOD SA PALUPARAN

Naghingyo sang paghangop sa publiko si Iloilo International Airport Terminal Supervisor Art Parreño kasunod sang pag-istrikto sa mga nagasulod sa paluparan nga nagresulta sang pag-gutok sang trapiko kahapon (Agosto 23).

Nagalaum si Parreño nga magakooperar ang publiko bangud para sa safety sang tanan ang ila ginhimo.

Magluwas sa maid-id nga pagcheck sa mga salakyan, gin-istriktuhan man ang tanan nga nagasulod sa paluparan.

Suno naman kay Iloilo Police Provincial Office Director Senior Supt. Marlon Tayaba, nagabulig naman ang police sa mga airport  officials agud wala sang makalusot nga makahimo sang kalakasan.