Monica-Blumentritt, City Proper PB Keith ‘Dabing’ Espinosa, wala pa gihapon nakabalik sa iya opisina bisan tapos na ang iya leave of absence

Iloilo City — Wala pa nakabalik sa iya opisina si Monica-Blumentritt, City Proper Punong Barangay Keith ‘Dabing’ Espinosa.

Ini bisan natapos na ang iya ginfile nga isa ka bulan nga leave of absence.  Suno kay acting Punong Barangay Antonio Espinosa, wala man sang problema sa ila barangay kag padayon ang iya pagpamuno tubtob nga makabalik ang ila kapitan.

Ginahayag sang acting punong barangay nga wala sini nakita sa ila barangay si Espinosa apang iya ini ginpanugyanan nga magrelax kag itugyan sa Diyos ang tanan.

Una na nga ginhambal ni Police Regional Office 6 Director John Bulalacao nga indi siya mag-istorya kay Espinosa tubtob wala na-clear ang pangalan sini sa illegal drugs.

Si Espinosa ang asawa ni PDEA-identified drug personality kag former Monica-Blumentritt, City Proper barangay kagawad Jesus ‘JingJing’ Espinosa nga preso sa Iloilo District Jail sa Nanga, Pototan kag identified kay the late PDEA-identified drug group leader Melvin Odicta. (JoMaque)