85 anyos nga mangunguma sa Carles, gin-akusaran nga naghimulos sa 6 ka tuig nga bata nga babaye

Carles, Iloilo–Ginpreso ang 85-anyos nga mangunguma matapos nga ginreklamo naghimulos sa anum ka tuig nga bata nga babaye.

Suno kay PO1 Apol Jean Soberano sang Women and Children’s Protection Desk sang Carles Municipal Police Station, natabu ang insidente sang Agosto 27, alas-10 sang aga sang ginhagad sang tigulang si alyas Nene nga magpabukid.

Nagahilibion ang bata nga nagpanugid sa iya iloy nga ginpa-uyatan sa iya sang tigulang ang iya kinatawo kag gin-uyatan man sini ang kinatawo sang tagreklamo.

Ginpahahayag ni PO1 Soberano nga ginhatagan pa sang tigulang sang 11 pesos ang bata matapos ang ginpahayag paglugos sa iya. (AGB)