Nagabusong nga pasahero, nagbun-ag sa Ceres bus

Negros Occidental — Nakibot ang mga pasahero sang Ceres bus sang ginsakitan ang nagabusong nga sakay kahapon sang hapon, Setyembre 1.

Suno kay Jade Marquez Seballos, legal media relation manager sang Vallacar Transit, halin sa Bacolod City pakadto sa Calatrava ang bus sang mga alas-2 sang hapon, ginsakitan ang nagabusong nga pasahero.  Nagbulig suno sa iya sa pagpabata ang konduktor kag pag-abot sa Cadiz City, ginhapit ang pasahero kag ang lapsag nga babaye agud masiguro nga wala sang kumplikasyon. Luwas naman ang mag-iloy suno kay Seballos.

Istoryahan pa sa kompaniya kon ano ang mahimo nga mahatag sa pamilya sang bata suno pa kay Seballos. (JoMaque)