December 1, 2021

Magbayaw, patay matapos ginpangbuno kag ginlampusan sang bato sa Culasi, Antique

Read Time:56 Second

Culasi, Antique — Patay ang magbayaw pagkatapos ginbuno kag ginlampusan sang bato sa Barangay Balac-balac, kahapon sang kaagahon, Setyembre 2.

Suno kay PO1 Armando Paulino, imbestigador sang Culasi Police Station, wawa ang leog kag madamo sang pilas sa lawas si Rita Fe Bello, 36-anyos samtang nagakatulog sa iya kwarto. Ginlampusan naman sang bato sa ulo si Rium Bello, 40-anyos samtang nagakatulog malapit sang tangkal sang baboy.

Suspek sa krimen si Ricardo Bello nga pakaisa ni Rium nga nagsurrender sa Culasi Police Station pagkatapos sang insidente.

Ginpahayag ni PO1 Paulino nga naga-inum-inum ang mga biktima kag suspek antes natabu insidente. Ginsuga ni Rium ang suspetsado nga magbakal sang ilimnum pero wala nakabakal sa baylo nagtulog rason ginkastigu sini.

Wala nagbato ang suspetsado sa baylo ginpatulog sini ang duha ka biktima kag ginbuno kag ginlampusan sang bato. Sa interview ni PO1 Paulino sang suspek, napikon na gid siya bangud masami ini nga ginakastigo kag ginabuyawyaw sang mga biktima.

Si Ricardo Bello ang naga-istar sa balay ni Rita Fe kag ginasugo sini magdul-ong kag magsugat sa tatlo ka mga kabataan sini sa eskwelahan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 21-anyos nga estudyante sa Guimaras, nagtuyo maghikog, naospital
Next post Subject sa buy bust operation sa Jaro, patay sang ginpahayag nagbatu sa mga pulis