Drug suspect nga napatay sa buy bust operation sa Tacas, Jaro, 4 pa lang ka adlaw nakaguwa sa presuhan
Jaro, Iloilo City (UPDATE) — Apat pa lang ka adlaw nga nakaguwa sa Bureau of Jail Management and Penology ukon BJMP- Iloilo City Male Dormitory ang drug suspect nga natiruhan-patay sang ginpahayag nagbatu sa buy bust operation sa Zone 3, Tacas, Jaro sang Dominggo sang gab-i (September 2).
Suno kay Jail Officer 3 Danny Gubuli, unit investigator sang BJMP- Ungka Jaro, sang November 22, 2010 ginpreso si Gabriel Poblacion nga may mga kaso nga attempted robbery, direct assault upon an agent of a person in authority kag robbery with homicide.
Sang Agosto 29, 2018 lang ini nakaguwa sa presuhan matapos naka-piyansa.
Samtang, ginconfirmar naman ni Senior Inspector Kennith Bermejo, team leader sang Regional Drug Enforcement Unit nga miyembro sang ‘Poblacion Group’ ang napatay.
Utod ni Gabriel suno kay Bermejo ang drug personality nga si Jonathan Poblacion. Nagsulod sa illegal drug trade si Gabriel suno kay Bermejo sang ini ang na-presu.
(JoMaque)